EP04 「抬頭尚有天空」
Feat. Relaz

世界再壞,仍舊不怕。
長夜再黑,總有光時。

我係香港人,我飲香港汽水🥤🥤🥤

汽水=可樂?咁諗你就錯啦,香港人終於有自己嘅汽水,

今年本地首個汽水品牌 Relaz 正式創立,佢哋除咗係「香港第一」,亦都係亞洲第一間推出CBD汽水嘅品牌,好榮幸佢哋參加咗我哋《小店發光時》計劃,以免上架費嘅形式登陸光時網站,就喺幾日前佢哋嘅汽水正式喺光時發售,反應非常熱烈。

第四集《精神光時屋》我哋邀請嚟Relaz嘅創辦人Ken,佢話成立品牌係啟發自香港人長期受生活壓力所困,生於香港這個高壓城市,佢哋發現市面上主流紓壓產品,即係煙酒, 都好不健康,於是決心創出一款可以將「悠閒」放入香港人生活,又能夠適合唔同階層嘅人嘅產品,陪伴每代港人踏出不同嘅未來。而佢哋最終嘅目標係顛覆大眾對汽水嘅定義,甚至希望有一日將香港汽水帶上國際舞台。

另外,今集「手足家書」我哋收到剛出獄手足04嘅來信, 佢提醒大家高牆入邊仍然有好多手足仍然未放棄,不斷鍛鍊身體同增進知識, 期望他日能夠再以另一種形式回饋呢個孕育佢嘅家─香港。由2019年被捕,再到2020年經歷審判同監禁,終於喺2021年重獲自由, 佢喺呢兩三年間根本無辦法計劃將來嘅事,佢又係點樣支撐過去? 呢封信佢一一紀錄低......

香港人撐香港品牌,唔洗迫,唔洗跪嘅......


傳送門:

SpotifyYouTubePodcastsGoogle Podcasts

後記

「回憶總是美好的。」

1948年的11月3日,屈臣氏推出名為「哥喇」嘅汽水產品,以夠氣夠味作招徠,一出就爆紅,但隨住外國汽水嘅價格逐漸平民化同大量士多結業,呢款本地汽水就無聲無息下喺80年代停產,玻璃瓶承載咗一代又一代港人嘅集體回憶。

三十年過去,今日香港重新擁有本地汽水品牌,要飲本地汽水又何須時光機呢?

節目入面,創辦人Ken分享Relaz是啟發自香港人長期受生活壓力所困,生於香港呢個高壓城市,佢哋希望創出一款可以把「悠閒」放進香港人生活,又能適合不同階層的人的產品。於是,佢哋諗到將CBD成分放入汽水裡面。

「香港其實一直走得好前。」

據Ken所講,香港係成個亞洲比較早接觸到CBD嘅地方,例如日本、台灣等地方仍然對呢種合法由漢麻萃取嘅天然成分好陌生。放眼世界,Relax係「亞洲首款CBD汽水」、「世界第三款CBD汽水」,對於佢哋嚟講,目標唔單止想係香港隨處可買到佢哋嘅汽水,整個世界先至佢哋真正市場,

「愈亂世,愈需要有人行出嚟。」

走得前,係香港嘅優勢,但喺現今政權底下,我哋嘅優勢正逐漸褪色,但Ken認為而家更需要每一位香港人挺身而出,佢哋做香港汽水,祈望有一日外銷到外國,將「香港製造」嘅牌頭打響,以此重新振興香港工業。

「陪伴每代港人踏出不同嘅未來。」

未來還未來,「陪伴」一詞知易行難,無人有水晶球能夠預知未來嘅事情,但喺呢個咁艱難嘅時刻,願意挺身而出作出承諾已經係一件唔簡單嘅事,世界那麼大,願佢哋能夠早日達成目標,為自己,為香港人爭返口氣。

Relaz - 【香港首款CBD紓壓汽水】- 香橙雲呢拿味 (10mg/330ml)
Relaz - 【香港首款CBD紓壓汽水】- 香橙雲呢拿味 (10mg/330ml)
Relaz - 【香港首款CBD紓壓汽水】- 香橙雲呢拿味 (10mg/330ml)
Relaz - 【香港首款CBD紓壓汽水】- 香橙雲呢拿味 (10mg/330ml)

Relaz - 【香港首款CBD紓壓汽水】- 香橙雲呢拿味 (10mg/330ml)

$25.00
Relaz - 【香港首款CBD紓壓汽水】- 蜜桃檸檬味 (10mg/330ml)
Relaz - 【香港首款CBD紓壓汽水】- 蜜桃檸檬味 (10mg/330ml)
Relaz - 【香港首款CBD紓壓汽水】- 蜜桃檸檬味 (10mg/330ml)
Relaz - 【香港首款CBD紓壓汽水】- 蜜桃檸檬味 (10mg/330ml)

Relaz - 【香港首款CBD紓壓汽水】- 蜜桃檸檬味 (10mg/330ml)

$25.00
剛加進了你的願望清單
你剛剛加了此產品到購物車
去購物車