EP01 「監獄中的團年飯」
Feat. 壹碗壹碟

世界再壞,仍舊不怕。
長夜再黑,總有光時。

過年,理應齊齊整整,但對於一班在囚手足嚟講,一家人簡單食餐飯都係一件遙不可及嘅事。

今個牛年初二,光時首個Podcast節目 《精神光時屋》正式上架。第一集,我哋邀請到出獄手足阿琛為我哋撰寫咗一封「手足家書」,分享佢上年農曆新年喺監獄中渡過嘅經歷,以及獄中感到最痛苦嘅事⋯⋯

另外,我哋亦請到良心餐廳「壹碗壹碟」嘅負責人Teddy上嚟節目分享,原來喺上年國安法實施的翌日,就有警員勸喻佢哋清理筲箕灣分店內嘅文宣,其後更需一度停業,究竟事情後續係點樣呢?想知就快啲撳入嚟收聽我哋嘅節目!

傳送門:

SpotifyYouTubePodcastsGoogle Podcasts

後記

「取之社會,用之社會。」

光時一直想喺推廣香港品牌上做得更多,所以要做《精神光時屋》嘅意念大概就係2021年嘅1月應運而生,希望借助現今科技嘅便利,將每一個有良知嘅香港品牌介紹畀香港人。

當時適逢國安法實施半年,我哋疑惑到底有無咩香港品牌直接受到影響。翻查新聞,我哋發現餐廳「壹碗壹碟」喺國安法實施翌日,因為店內佈滿文宣而遭到警察上門,其後分店更一度停業。思前想後,最終我哋嘗試聯絡「壹碗壹碟」成為第一集節目嘅嘉賓,負責人Teddy亦非常爽快,一口答應我哋嘅邀約。

整個訪問中,最深刻嘅一幕係Teddy娓娓道來M7團隊名字嘅由來,講吓講吓,不禁哽咽了幾句,說紅了眼亦不自知......當講到年青人,Teddy嘅語氣總係非常溫柔,你能夠好輕易感受到佢對年輕人嘅關愛,甚至願意為佢哋赴湯蹈火,而創立「壹碗壹碟」嘅其中一個目的亦都係為咗提供一個容身之所畀香港嘅青年人。

可惜嘅係,當日進行訪問嘅「壹碗壹碟」嘅大角咀分店已經喺三月中結業,對街坊、青年人嚟講係莫大嘅損失。不過也正如佢哋嘅臨別感言,「我哋一定會重光,而且,一定會做得更好!一定會做得更靚!一定會做得更多!」。

光時如是,香港亦如是。

再睇下先

成功加咗入你嘅願望清單
成功加咗入你架購物車
去購物車