由2021年4月1號開始,
光時正式由我哋呢一班「no stake in society」嘅後生仔接手。

大家睇完今次嘅團隊介紹,
會發現我哋平均年齡得23.x歲,
經驗同人脈都唔多,
甚至大部份人大學畢業之後第一份full time就係光時。

但係,咁又點?
點解老嘢講嘢一定啱?
點解後生就一定唔得?

我哋肯搏,肯捱,肯改,有禮貌(被訓練),
做嘢快,成班人仲鳩鳩地。

我哋有嘅,
除咗老嘢無嘅創意
同對e-commerce platform嘅熟悉以及專業,
仲有希望真正對得住手足嘅心。
因為,有唔少被捕手足同犧牲嘅義士,
都係我哋現實世界中嘅親朋好友,
甚至係我哋嘅同事。

我哋永不妥協、永不遺忘。

我哋相信,
我哋將會做到一個對得住香港人
同2021年嘅網店購物體驗畀大家。


除咗堅持同大家同聲同氣,
我哋亦會繼續堅持香港優先,
唔賣中國貨,只入良心品牌同代理嘅貨品,
為大家加入更多柴米油鹽醬醋茶同糧油雜貨嘅選擇。

重建光時並非易事,
但我哋會視呢個為最首要嘅任務。

如果各位對光時有盼望,
懇請各位多多留意我哋嘅social media、podcast同網站,
一個like一個follow一個share,
已經係對我哋莫大嘅支持。

改朝換代已經開始,不管你準備好未。
有請大家拭目以待。

剛加進了你的願望清單
你剛剛加了此產品到購物車
去購物車