購物車

你㗎車仔無嘢嘅

繼續買嘢

香港人嘅網上購物/生活平台


香港人世界第一

當日一聲召喚,無數互不相識嘅熱心人提供協助,令光時可以喺2019年10月正式營運。
今日,香港逐漸變成我哋唔再熟悉嘅香港,但香港人依然係香港人,
喺2019年我哋畀世界見到香港人用唔同方式,或剛或柔咁表達信念,爭取、捍衛本身屬於我哋嘅一切。
家從來唔只係一個四面牆嘅單位,香港亦都唔只係流於佔地面積1,106平方公里嘅文字敍述。

香港有光

光時希望為香港人建構嘅,除咗係一個可以長遠發展嘅網上購物平台,
亦係一個可以畀香港人更認識香港嘅媒介,
一個凝聚到香港人精神嘅空間。
喺光時,你會搵到香港人嘅光--愈黑愈灰,我哋愈需要光,
而光係希望,係力量,而光終會戰勝黑暗,蓋過恐懼。

年青無罪

光時有嘅,係一班好撚鍾意香港嘅後生仔!
佢哋有膽、有腦、重好有愛,唯一缺乏嘅就係機會。
我哋堅持絕不割席亦絕不施捨,提供就業機會同在職培訓,
畀佢哋喺亂世中找尋一技之長、累積工作經驗,
用行動印證呢個世代可以撼動世界嘅能力。

香港製造

「MADE IN HONG KONG」,我哋引以為傲。
呢個香港,貪新亦戀舊,既有傳統百年頂級工藝,亦有概念同品質兼備嘅新晉創作。
為香港人,地球人,光時會不斷搜羅本地良心品牌,
親身試用試食,竭力將香港嘅靚嘢正嘢推介畀你。

我要賺錢!我哋嘅伙伴都要賺錢!

介紹返,賺錢,先維持到生態,先可以持續咁去發展!
幫襯光時唔只令我哋員工有糧出,仲可以令我哋嘅伙伴--由入貨嘅香港品牌、
香港造嘅紙箱到香港嘅良心物流伙伴,整條線都可以受惠。
我哋會盡最大嘅努力,令你唔使含淚消費!
只要你定期喺光時落單,我哋就可以繼續壯大,愈大規模,
愈有能力請更多人,到時上市分拆再上市絕對唔係講笑!

TOGETHER,WE CAN MAKE HONG KONG GREAT AGAIN。

x

x